Malo e Lelei

Malo e tau moe ngaue lahi mo 'aufuato meihe 'otumotu anga'ofa, pea 'oku fiefia mo hounga mo'oni kihe loto homou fanau va'inga 'ae Lotu lelei moe poupou lahi faufaua mo'oni 'oku mou fai mai ma'a homou Timi Firepower 'Ikale Tahi. 'Oku fiefia lahi 'aupito 'ae fanau va'inga mo ongo'i 'ofa mo'oni atu kihe pule'anga moe ngaahi siasi moe kakai kotoa 'oe fonua, 'ihe 'enau fanongo atu kihe fu'u fakalangi pehe 'ae lotu, poupou moe fiefia pehe 'ae kakai 'oe fonua. Fakamalo lahi atu kihe ngaahi siasi moe kakai 'oku nau 'aukai mo lotu mai ma'a homou kau sevaniti fakahoko ngaue 'oku fakapaea 'ihe 'otu muli ni koe teke e maa'imoa 'a Tupou mo fakafofonga'i e tokotaha kotoa 'i Tonga moe Tonga kotoa pe he kolope. Koe ngaahi talanoa 'oku ongo mai, koe fakalotolahi mo'oni moe tanaki ivi kihe fanau 'ihe teu fepaki ko 'eni mo England, pea 'oku tui e fanau mo falala he 'ikai to noa homou lotu mo homou hela, kae'uma'a homou ngaahi fakaongosia kotoa pe, he 'e fai me'a mana e 'Otua Mafimafi koe Pule lahi 'oe Timi Firepower 'Ikale Tahi.

Koe ki'i ongoongo nounou kehe pe meihe kemi; koe fanau 'eni moe kau 'ofisiale kuo nau tu'uta lelei mai ki Palesi pea ko 'eni kuo nau settle-in lelei 'aupito. 'Ihe a'u mai 'ae Timi ki Palesi, na'e talitali leilei ange 'ehe kau 'ofisiale 'ae IRB 'oku nau tokanga'i 'ae Timi 'a Tonga fakataha moe kau Media 'oku tokolahi ange fau. 'ihe a'u mai e Timi kihe Hotele 'oku mau kemi ai na'e 'osi tali ange 'ae 'u media ai pea na'e fai pe feinga ke lava ke pule'i lelei e ngaahi media tukukehe pe media 'e 2 na'ana fu'u ofi ange kihe Timi pea na'e ngaue ki ai 'ae kau security. Na'e lava lelei ai pe 'ae Captain's Run he taimi 3:00pm, 'a ia na'e 'iai e 'u media kotoa meihe tapa kehekeh 'o mamani, tatau pe TV, Radio, Newspaper moe toe 'u kautaha ongoongo kehekehe pe. na'e fakafuofua na'e mei mapuni 'e fa'ahi 'e taha 'oe mala'e 'ihe kau Media koe feinga ha faingmalie ke faka'eke'eke mo ma'u footage homou Timi 'Ikaletahi. 'Ihe taimi tatau pe na'e lava pe 'o mapule'i lelei e conference ko 'eni moe media he mala'e va'inga, neongo na'e faka'ofa e ni'ihi 'oe kau media na'e 'ikai ma'u hanau faingamalie moe tamaiki va'inga. 'Ihe hili e Captain's Run na'e foki mai leva e Timi kihe Hotele. Na'e fakahoko ai pe Lotu fakafamili 'ihe efiafi hifo kimu'a he ma'u me'atokoni efiafi. Na'e tokolahi foki e kainga Tonga meihe tapa kehekehe 'o 'Iulope, Falanise, UK moe 'u fonua ofi mai na'a nau lava mai kihe Hotele ke fe'iloaki moe fanau va'inga kae 'uma'a 'ae kau 'ofisiale, pea mo talamonu mai kihe fanau 'ihe teu va'inga 'oku teu fakahoko. 'Ihe hili ia na'e lele leva 'ae fotofota 'ae physio kimu'a pea mohe 'ae fanau.

''Ihe 'aho ni 'oku malolo pe 'ae fanau 'oku va'inga 'o teuteu pe kihe va'inga mo 'Ingilani 'a efiafi. Na'e a'utaki mai foki ha toe tohi Talamonu meihe High Komisiona Tonga ki UK mo Europe, Dr. Ngongo Kioa 'o fakamalo mai pe kihe fanau mo Talamonu kihe teu tau 'a nai mo 'Ingilani. Na'a ne fakaha foki 'oku lotu mai mo poupou mai 'ae kakai Tonga 'i Europe mo Pilitania moe kakai meihe 'u fonua kaunga'api kihe teu tau 'ae Firepower 'Ikale Tahi.

Koe fanau 'eni moe kau 'ofisiale 'oku nau mo'ui lelei kotoe pe pea 'oku nau mateuteu 'aupito kihe va'inga 'oku teu fakahoko.

koe ki'i ta pe 'ena 'oku attached atu.

Kei kole ai pe 'ehe fanau e lotu 'ae fonua 'ihe teu fetaulaki ko 'eni mo England.

'Ofa lahi atu moe hufaki

mei homou Timi Firepower 'Ikale Tahi.
Falanise