October 17, 2007                                        News You Can Trust!!                                      Volume 7

Toko 6 Tonga timi 'Amelika

Ko Sangster Saulala, Tali Kavapalu, 'Isi Fatani mo e fanau Tonga 'oku nau va'inga he timi USA.

'Oku hoko 'a Tonga he fe'auhi ipu 'a mamani 'oe ta'u ni 2007 ko e kakai 'oku tokolahi taha 'enau 'asi he ngaahi timi 'a mamani. 'Oku 'ikai ngata he timi 'a e 'Ikale Tahi ka kuo 'i ai moe fanau Tonga he timi 'a e All Blacks, Wallabies, Siapani mo 'Amelika. Pea ko e me'a fakafiefia ko e neongo 'a e 'alu 'a e fanau Tonga 'o va'inga he ngaahi fonua muli ka 'oku 'ikai ke ngalo 'iate kinautolu honau fonua tupu'anga. 'I he talitali 'oe timi 'Ikale Tahi 'i Falanise na'e 'i ai moe timi 'a e Wallabies pea lolotonga 'a e hiva 'a e timi 'a Tonga kuo afe atu 'a e George Smith, Palu mo Girrafe 'o kau he hiva moe fanau Tonga. 'I he fakafeohi 'a e timi 'a 'Amelika moe 'Ikale Tahi he 'osi 'ena va'inga ne mahino 'a e kei ongo'i he fanau Tonga honau fuka. 'I he fakamatala 'a 'Esekia mei he timi 'a 'Amelika ko e taimi koia ne hiva'i mai ai 'a e fasi fakafonua 'a Tonga ne nau mei tangi he'enau manatu ki 'api. Pea ne fai ai 'enau faita moe sea 'oe poate 'a Tonga, Sangster pea pehe ki he 'Ikale Tahi. Na'e fakaha ai 'e Sangster ki he fanau Tonga ko 'eni ko e ngaue lelei 'oku nau fai he 'oku nau toe fakaava 'a e matapa ki he fanau Tonga nofo Tonga. Koe'uhi he'ikai ke lava ke va'inga kotoa 'a e fanau he 'Ikale Tahi pea 'oku 'ikai ke fu'u lelei seniti ma'u 'e Tonga ka ko 'enau 'alu 'o va'inga lelei he ngaahi fonua muli ko ha matapa ia ma'a Tonga. Ko e fanau Tonga he timi 'a 'Amelika 'oku kau ai 'a Salesi Sika, 'Esekia, Tasi,